Абай атындағы ҚазҰПУ-дың жатақханасында тұратын төрт жігіт пен төрт қыздың өмірі – шынайы достық, алға қойған арман, және күтпеген махаббаттың тоғысқан әлемі. Әрқайсысы педагогикалық университетке әртүрлі себеппен келген: біреу — ата-анасының арманы үшін, екіншісі — ұстаз болуды өмірлік миссиясы санағандықтан, ал үшіншісі — басқа таңдау болмағандықтан. Әр эпизодта олар махаббат пен достық, арманынан айнымау, қысымға қарсы тұру, және болашаққа сеніммен қадам басумен қатар, құмар ойынның дерті сияқты сынақтарға тап болады. Шынайы сезімдер, жарқын күлкі мен өмірдің өзекті сұрақтары – бәрі осы телехикаяда тоғысады. Бұл – болашақ ұстаздар дайындауға арналған университет қабырғасындағы өмірдің комедиясы мен драмасынан тұратын бірегей оқиғасы.
