«Хабар» Агенттігі туралы
«Хабар» Агенттігі Қазақстандағы медиа-кеңістіктің көшбасшысы болып, «Хабар» телеарна, тәулік бойы жұмыс істейтін ақпараттық телеарна «Хабар 24» және киноканал EL ARNA деген үш арнаның телеотбасысы.
Жыл сайын «Хабар» Агенттігінің тапсырысы бойынша 200-ден астам отандық сериалдар шығарылады. Жанрлардың әртүрлілігі кез-келген нысаналы аудиторияны қанағаттандыруға мүмкіндік береді: мелодрамалар, комедиялар, деректі фильмдер мен бағдарламалар, ойын-сауық шоулар, тарихи және өмірбаяндық сериалдар бар. Агенттікте сонымен қатар 1990 жылдардан бастап мұрағаттық кадрлардан тұратын үлкен бейнемұрағаты бар.
27 жылдық шығармашылық қызметі Агенттікке бірнеше мемлекеттік, халықаралық және кәсіби марапаттарға ие болды. Журналистер жұмыстары беделді EMMY телевизиялық сыйлығына ұсынылды, ал репортаждардың бірі Ресейдегі «Золотой глагол» байқауында Гран-при алды. Еуразиялық телевидение және радио академиясының (Ресей) байқауларында жеңістер де бар, Еуразияның ақпараттық-мәдени кеңістігін дамытуға қосқан қомақты үлесі үшін «Петр Великий» медалі бар. «Город будущего» жастар бағдарламасының бірі Жапониядағы халықаралық фестивалінде әлемнің үздік бағдарламаларының ондығына кірді.
Жақында Севастопольдегі халықаралық фестивалінде «Хабар» Агенттігінің бастамасымен түсірілген «Бауыржан Момышұлы» тарихи таспасы лауреат атанды.
2019 жылы «Хабар» Агенттігінің тапсырысымен түсірілген «Шестой пост» сериалы «ТЭФИ – Содружество» сыйлығын алды. Сондай-ақ, 2020 жылдың ақпан айында «Цена покоя. Запад» және «Цена покоя. Север» деректі фильмдері, сондай-ақ «Парящий под солнцем» фильмі «Большая страна» номинациясында «Страна» Ұлттық телевизиялық сыйлығының IX финалистері болды. Семей ядерлық полигоны туралы «Хабар» телеарнасының «Полигон» тарихи хикаясы 2022 жылы Ресей Мәскеу Халықаралық кинофестивалінің «Үздік телевизиялық мини-сериал» номинациясында жеңімпаз атанды.
Сонымен қатар Агенттік халықаралық ұйымдармен белсенді жұмыс жүргізуде, Азия-Тынық мұхит хабар тарату одағының (ABU) толық құқықты мүшесі және Еуропалық хабар тарату одағының (EBU) қауымдастырылған мүшесі болып табылады, бұл мүшелік жыл сайын түрлі конкурстарға, тренингтерге, шығармашылық жобаларға және т.б. қатысуға мүмкіндік береді. 2018 жылдан бастап Агенттік Junior Eurovision («Детское Евровидение») ән байқауына қатысып, Қазақстанның алғашқы қатысушысы жас орындаушы – Данелия Тулешова (6 орын) болды. 2019 жылы жалпы дауыс беру қорытындысы бойынша Қазақстанның өкілі Ержан Максим құрметті 2 орынға ие болды. 2020 жылы Junior Eurovision Қазақстаннан Қарақат Башанова 2 орын алды. 2021 жылы Қазақстан атынан Бекнұр Жәнібекұлы мен Әлинұр Хамзин Хамзин қатысып, 19 қатысушы елдің ішінен жалпы есепте 8-ші орынды иеленді. Ал 2022 жылы халықаралық байқауда Қазақстан атынан Давид Чарлин "Жер-Ана" әнімен қатысты. Конкурсқа қатысушы елдердің ұлттық судьяларының дауыс беру нәтижелері бойынша, сондай-ақ әлем телекөрермендерінің онлайн дауыс беруі бойынша еліміздің өкілі Еуропаның 16 қатысушылардың жалпы есебінде 15-орынға ие болды.
Бұдан басқа, Агенттіктің ел аймақтарында және таяу әрі алыс шетелдерде АҚШ, Ресей, Бельгия, Франция, Түркия, Өзбекстан, Оңтүстік Корея, Қытай және Германиядағы өкілдіктері бар дамыған тілшілер желісі бар.
БІЗДІҢ КОНТЕНТТІ САТЫП АЛҒАН КОМПАНИЯЛАР: