Алтыншы маусымда кейбір кейіпкерлеріміз есейген, тұлғалық қалыптары үшін күресіп жүр. Бес маусым бойы созылған телехикаясының ерекшелігі – шынайылығында. Көрермен картинадан өздерінің тұрмыс-тіршілігін сырттан көргендей болады, ой түйеді. Қай маусымда болмасын шығарманың ең әуелгі міндеті үлкенді сыйлау, туыстар арасында сыйластықты сақтау, Ауылдың мамыражай тіршілігі арқылы ауыл – қазақ руханиятының темірқазығы екенін көрермен санасына жеткізу. Сериалдың мақсаты ауыл өмірі арқылы мәдениетті насихаттау, Дәстүр мен заманауи жағдайлардың қақтығысын көрсету, ауыл мен қала өмірінің айырмашылықтары сияқты қазіргі қоғамдағы өзекті мәселелерді талқылау. Отбасылық құндылықтарды бір ауылдағы жанұялардың өмірі арқылы көрсету.
