Сериал қазақтың аты аңызға айналған опера әншісі Күләш Байсейітова туралы, тіпті бір кездері Иосиф Сталин оның дауысына тәнті болғанын айтып, үйіне шақырған. Фильмде кейіпкердің қиын тағдыры: әріптестерінің қызғанышы, отбасындағы қиындықтар көрсетіледі. Әйтсе де, Күләш еш нәрсеге қарамастан мойындалып, 24 жасында КСРО халық әртісі атанды. 5 сериялы фильм көрерменге қандай жағдай болмасын алға ұмтылып, әрқашан жаңа белестерге ұмтылу керектігін жеткізуге арналған.