Әке – өткен мен бүгінді, бүгін мен келешекті байланыстырып тұрған алтын көпір. Отбасының рухани, материалдық жағынан құлдырамай, мықты болуы әкеге байланысты. Себебі әке – ұлы күш пен сабырлықтың иесі.
«Әке бақыты» бағдарламасында елімізге танымал жұлдыздар балаларымен бірге уақыт өткізіп, әке мен бала арасындағы қарым-қатынастың жарқын үлгісін көрсетеді.
Бағдарламаның мақсаты – баланың тұлға ретінде қалыптасуындағы әке рөлінің маңыздылығын айқындау, отбасы құндылығын дәріптеу.
